Divvun-prošeakta gullá Norgga Sámediggái ja ráhkada sámi čállindárkkistanreaidduid; davvi-, julev- ja lullisámi čállindárkkistan- ja sátnejuohkinprográmmaid. Reaiddut doibmet Linuxis, Mac OS X:s ja Windowsis dábálaččamus kontorprográmmain.

MAIDBAT DAT DAHKE? Leihan dušše leaika! In oaivvildan dan. In navdán du váldit dan duođasin. Inhan mun sádden dan earágo iežan ustibii. Ii oktage oaidnán dan. Mun lohpidan!

ÁIBBAS DUOHTA! Austrálias golgá johka bajás iige vulos. Danne go dat lea nuppe bealde ekváhtora. Amma áddet? Ledjen neahtas ikte. Doppe dat čuoččui nie…

HALLA! Maid’al? Mun lean Ronny. Liikon heavy metalii ja stuorračiččat nieiddaide! Amma lea nu … :D Ikte 17-jahkásaš duostilis olmmoš, muhto otne: BURES! Mu namma lea Line ja deavddán fargga 12 jagi. Mun liikon High School Musicalii ja heasttaide. Soite deaivvadit muhtin beaivve? <3

HALLO … LEAGO OKTAGE DIEPPE … ??? Jo! Čuđiid mielde! Duháhiid mielde!! Miljovnnaid mielde!!! Interneahtas sáhtát olahit olles máilbmái jus háliidat. Ja muhtimin maiddái go it hálit.

SÁHTÁT VUOITIT iPod! Bustávat dan fiskes njealječiegagis measta jo njuikot du guvlui: Deaddil dákko ja searvva gilvui vuoitit áibbas ođđa iPod! Ii šat mihkkege. Dušše die. Na, dalle han gal juollu deaddilit. De leš oaidnit mii geavvá…