Frifond lea doarjjaortnet maid Norgga Stuorradiggi lea ásahan mas mánát ja nuorat sáhttet ohcat ruhtadoarjaga iešguđetge doaimmaide.Ulbmil lea buoridit daid ekonomálaš rámmaeavttuid demokrátalaš ja eaktodáhtolaš doaimmaide servvodagas. Doarjjaortnet galgá nannet kultuvrralaš valljivuođa.

Sámediggi almmuha dákko bokte valáštallanstipeandda sámi nuoraide. Ulbmil valáštallanstipeanddain lea movttidahttit nuorra valáštalliid áŋgiruššat valáštallat.

Guokte stipeandda juolluduvvojit, goabbáge 50 000,- ru. Stipeanda galgá mannat ovttaskas olbmuide. Soai geat oažžuba stipeandda galgaba leat gaskal 16 ja 25 jagi dan jagi go stipeanda juolluduvvo, ja ferteba maid leat mielláhtut soames valáštallansearvvis/- organisašuvnnas.

Ohcanáigemearri geassemánu 25.b.2010.

 -Šatta ovdaskuvlaoahpaheaddjin dahje vuođđoskuvlaoahpaheaddjin! Dus lea vahkku áigi čállit ohcama -  ja oažžut vejolašvuođa álgit ohppui mii dáhkida dutnje erenoamáš buori ja mávssolaš barggu boahtteáiggis. Dán hástalusa addá sámediggeráđi lahttu Marianne Balto.

Ortnega hálddaša Sámedikki doarjjastivra. Jahkái 2010 várrejuvvo 2 400 000 ru stipeandan sámi joatkkaskuvllaid ohppiide geain sámegiella lea fágasuorggis.