Sidá gus barggat buorre ássje diehti, duon diehti buoredit dilev væráldin, ja danga buohta allasit rahtjat åtsådallamijt? Gávnnuji moadda organisásjåvnå maj tjadá nuora gudi sihti viehkkebargov ja ålggorijkkaårromav tjadádit. Ihkap vil viertti mákset binnáv maŋen liehket, ihkap barga biebmo ja årroma åvdås.

Gå le au pairan de åro fuolke lunna ietjá rijkan. Dån le juogo de fuolkes oasse, jali oattjo ietjat lanjatjav. Duv bargo li mánájt gähttjat, mielas válldet idedis- ja iehkedis dahkamusájt, mánájt vuodjet asstoájggedåjmajda åvdån ruoptot – ja máhtá aj binna dåhpebargov oadtjot. Dán åvdås oattjo biebmov, årromsajev ja binna sålbbebiednigijt. Kursa kollegin jali universitehtan li aj ienemus au pair-programmajn.

Ussjudalá ietjat vidnudagáv vuododit? Vuododit ja dåjmadit ietjas vidnudagáv la stuor hásstálus.  Jus vuorbástuvvat galga viertti riekta ásjijt riekta ájggáj dahkat! Dán sijdon gávna rádijt sáme æládusniehkes ja linkajt ávkálasj nehtasijdojda.

Buoremus la juo árrat lassebargov åhtsågoahtet (lávvodak-, oasseájgge- ja giessebargov). Jus duola dagu lávvodakbargov oattjo avta sajen, de le dábálattjan nav vaj oattjo aj giesev danna barggat. Jus la giessebargov åhtsåmin ja dujna ij la lávvodakbarggo, de le vuohkasamos åhtsågoahtet vuoratjis-/moarmesmáno. Buorep val árabut juo åhtsåt. Dalloj la vuojn ienebu gudi plániji ja bargov åhtsi, ja åhtsåmusá giehtadalladuvvi. Jus dåbdå soabmásav gev diedá le åvdutjis juonná barggam dåppe gånnå dujna la miella barggát de ságasta sujna goassa buremusát hiehpá åhtsåt.

Ådå barggijt bálkkitjit li vilá barggoálmmudusá ávijsajn ájnas saje.

Sidá gus barggat buorre ássje diehti, duon diehti buoredit dilev væráldin, ja danga buohta allasit rahtjat åtsådallamijt?

Ussjudalá ietjat vidnudagáv vuododit? Vuododit ja dåjmadit ietjas vidnudagáv la stuor hásstálus.  Jus vuorbástuvvat galga viertti riekta ásjijt riekta ájggáj dahkat! Dán sijdon gávna rádijt sáme æládusniehkes ja linkajt ávkálasj nehtasijdojda.