Ortnega hálddaša Sámedikki doarjjastivra. Jahkái 2010 várrejuvvo 2 400 000 ru stipeandan sámi joatkkaskuvllaid ohppiide geain sámegiella lea fágasuorggis.

Juolludaneavttut ja máksineavttut:
• Ohcanáigemearri  guovvamánu 1. b. 2010. Ohcamat sáddejuvvon dien beaivvi maŋŋá, eai meannuduvvo

• Sámedikki ohcanskovvi ortnega várás galgá geavahuvvot

• Oahppi ferte leat ollesáigeoahppi dakkár oahpposajis mas lea vuoigadahttojuvvon oažžut doarjaga Stáhta loatnakássas

• Skuvlla duođaštus oahppistáhtusis ja oahpahusas sámegielas biddjojuvvo mielde ohcamii

• Stipeanda máksojuvvo ollásit go dárbbašlaš duođaštus lea ovddiduvvon

Meroštallannjuolggadusat:
Stipeanda juhkkojuvvo gorálaččat:

- ohppiide geain lea sámegiella vuosttaš giellan

- ohppiide geain lea sámegiella nubbin giellan

- ohppiide geain lea sámegiella vierisgiellan

Ohppiide geain lea sámegiella nubbin giella, vuoliduvvo stipeanda 25 % daid ohppiid ektui geain sámegiella lea vuosttaš giellan. Ohppiide geain lea sámegiella amas giella, vuoliduvvo stipeanda 50 % daid ohppiid ektui geain sámegiella lea vuosttaš giellan

Juohke giellajoavkku siskkobealde juogaduvvo jahkásaš stipeandarámma nu ahte doarjjavuoiga-dahttojuvvon oahppit geat devdet juolludaneavttuid, ožžot ovtta mađe guhtege. Stipeanda lea eanemusat gitta 10 000 ru rádjai oahppojagis oahppi nammii.

Eambbo dieđuid ja ohcanskovi gávnnat Sámedikki neahttasiiddus